來吧!為自己訂個目標!

話咁快開左學一個月,不過相信有一部份同學仲係放假mode ON,因為又中秋又國慶又山竹牛肉,成個9月有好多日都唔使返學,真係開心死。隨住10月黎到,好多學校都開始考試測驗,大家要開始慢慢變返讀書mode ON 呀!

可能岩岩開學,呢排好多家長同學生同B仔傾開,都想了解下其實應該點樣訂目標先岩。每人都總會有一D目標想做到,好似B仔咁,B仔目標希望可以透過 數學補習 ,提升學生 數學 考試成績之外,更重要令學生可以建立肯定自己價值,突破自己的精神。(突然認真左添,不過係真ga~~~~)訂一個目標唔難,不過訂的目標會唔會好難達到?應該點樣實行?應該要訂咩目標先岩? … …以下B仔就制訂目標有少少愚見同大家share下,希望有啟發俾到各位家長同學生。

一)訂下較實際能力高的目標

有個好殘酷的事實,根據非正式統計,人訂的目標,無論係咩目標都好,最後有一半以上都係達唔到的。大至一D上市公司的業績目標,小至我地一D個人的目標,可以做到七成以上,其實已經算係好唔錯,因為人總會有惰性,會影響執行力。但如果我地訂一個比實際能力高的目標,即使不能完成目標,做到目標的七成都已經好唔錯。我地訂的目標高左,用的努力自然會多左,更大機會發揮我地潛能出黎。好似學生考 DSE數學 咁,如果學生想攞4,B仔一訂要佢以攞5或5*為目標,Base on result,學生達到目標的機會大好多。

二)將目標分不同階段,再一步步完成

假設目標的難度係五分,要即時由零分去到五分,其實唔係咁容易,需要好大的毅力同堅持。要短時間去到目標高度更難。不妨試試將目標”斬件”,將目標分成不同階段,再一步一步完成,舉例目標難度係五級的話,可分成五個階段,先完成第一個,再完成第二個,直至目標完成為止。階段性的目標比終極目標會較易完成,當完成一個階段目標後,我地會有成功感同更大信心再去完成下個目標。好似 HKDSE MATHS 咁, 好多 數學補底 同學見有廿幾個topic, 數學公式 又多,會覺得無從入手。B仔會建議同學在 數學補習 課堂中,分topic去溫,先從較容易的topic開始,透過 HKDSE maths past paper 和不同題目作練習,逐個topic去go through,最尾一定搞得掂 DSE數學

三)適時調整

B仔成日有個諗法,人係好得意的,今日諗嘅野,五年後十年後好多時都會唔同左。今日你想追求嘅野,半年後一年後都會唔同左,即使唔係大變,都總會有微調。因為隨住人的成長,諗嘅野同重視嘅野都會唔同左。我地訂目標都係,係追求目標的途中,可能追求嘅野唔同左,會對當初制訂的目標有唔同諗法,又或者現實環境的轉變,令到我地目標要改變。呢個時候,我地可以適時調整我地的目標,時常檢討自己執行目標的情況,對最終達成目標都會有幫助。

當然唔一定每個人都好清楚自己的目標,其實有清晰目標可以去奮鬥,已經係一件好幸福的事,其實唔止年青人,相信人生每個階段都會有迷茫的時候(當然B仔而家係某方面都迷茫緊^。^……。。),如果我地係呢個情況,就要係我地現有的學業同工作去努力,因為起碼我地要令自己有條件去揀,當將來我地有目標時,可以更容易去達到。老套講句,如果你而家係學生哥的話,就算唔鐘意都好,點都要努力讀左書先,因為學歷會令你人生條路相對行得容易,選擇亦較多。

 

 

最後,只係講係無用,行動比一切都重要,同大家分享詩人,設計師Austin Kleon的一句名句:

“很多人都想成為名詞 , 卻不在動詞上下功夫。”

歡迎同學或家長查詢,如有需要可以預約老師免費面談了解及安排進度。