練唔到美國隊長的身形,都學下美國隊長的精神

呢個星期大家的話題都離不開<復仇者聯盟4>,我地教室都係,學生除左黎 數學補習 同練習 數學試題 外,就係討論關於Avengers 4 的全部野,為左顧及未睇的同學的感受,B仔都好嚴謹控制住大家講的內容,邊個劇透邊個就有懲罰,雖然B仔已經安排左第二日睇,但都係俾個可愛中五學生劇透左,既然劇透得咁開心,B仔就獎勵佢暑假做晒 DSE Math Past Paper

 

B仔未至於Marvel 死忠Fans ,不過呢十年都睇左好多Marvel 電影,其中一路都好鐘意一個角色,就係美國隊長。鐘意同欣賞Captain 唔止係因為佢大隻靚仔,而係因為佢的精神。B仔覺得佢有幾個特點好值得各位同學同家長學習。(B仔大部分時間都幫學生數學補習,無咩睇過Marvel 漫畫,所以以下幾點都係以電影版為準~~)

I CAN DO THIS ALL DAY

呢句係美國隊長的口頭襌,有幾個場景都講過,第一次應該係未變大隻係後巷俾人打時,另外就係第三集同Iron Man 大戰的時候,講”I CAN DO THIS ALL DAY”果下真係型到爆炸。美國隊長雖然身體機能異於常人,亦唔會老,但其實佢都會痛的。無論係好多層樓高跌落地,遇到強勁對手捱打,或者要做D好辛苦的任務,佢都唔會有半句怨言,會一直緊守岡位,可能因為係軍人出身的關係,令美國隊長有堅毅唔放棄的性格。堅持到底,不放棄的特質,唔單只適用於學生時代的學校考試或 DSE考試 ,將來出黎社會工作都好重要。不過,如果要B仔講呢句Captain 名句,我會改改送俾 數學補底 或考 DSE數學 的學生----“I CAN DO MATH ALL DAY”

清楚自己能力強弱

美國隊長的技能係近身技擊,身體強壯,領導才能同出色軍事家。對比其他Avengers 英雄黎講,美國隊長能力可能唔算特別出眾,佢無Captain Marvel 的超凡能力,無Iron Man 的科技知識,亦無紅女巫的超能力………。不過其實已經足夠,因為Captain 好清楚自己能力的強弱,一方面會係近身技擊方面盡量發揮自己優勢,另外在Avengers 團隊中亦擔當了出色的領導角色,指揮各英雄在適當的位置發揮所長。知己知彼,百戰百勝,知道自己強同弱的地方好重要,每人的強項都唔同,只要足夠認識自己,必可將自己應有能力發揮出黎。好似溫 DSE數學 或學校 數學考試 的同學咁,除左 數學補習 的輔助外,一定要知道自己強同弱的課題係咩,再配合 數學考試 技巧同 計算機programme ,一定可以將自己應有能力發揮出黎。

肯學習新事物

試諗下,美國隊長本身係二次世界大戰時代的人,冰封七十年之後先俾人發現醒返,伴侣轉眼間已經變成老婆婆,感覺一定好慘。再者,本身二戰時期電話都唔多個,去到2012年身邊個個都已經用緊智能電話,仲有好多科技同生活習慣上的變化,其實真係唔係咁易適應,但Captain 都好努力去學習新事物,同埋可以好好運用。其實而家的年代都係,世界同科技所有野都變得好快,如果我地唔學新野,好快就會俾人淘汰,所以無論學生或者大人都係,唔想被淘汰,就要keep住自己要進步。

話時話,<復仇者聯盟4>之後,都唔知仲有無機會可以見到美國隊長,B仔好想鼓勵大家,即使我地練唔到美國隊長咁大隻,但都可以好好學下美國隊長的精神!

​圖片來源:Marvel

歡迎同學或家長查詢,如有需要可以預約老師免費面談了解及安排進度。