世界杯過後,B仔學到的三件事

呢排係教室B仔同學生討論得最多的話題,除左係 數學 之外,就係世界杯啦。有幾個片段大家都覺得好深刻好正。分別有伊朗球員足球小將式拋界外球,萬眾矚目......不過失敗左.....;有唔滿意球證判決就用手畫框框抗議,叫球證睇VAR重播;巴西球星尼馬精彩的落地動作....360度轉體 x N次.....;仲有當然最搞笑就係女同學成日問咩係越位

琴晚踢完決賽,今屆世界杯都完滿結束,恭喜法國二十年後再嚐捧杯滋味,同時亦對克羅地亞堅毅的精神十分欣賞!

除左欣賞球星精湛的球技外,B仔係睇世界杯的過程都學到野,雖然可能唔係好關 數學補習 事,但B仔都想同各位學生同家長分享下學到的呢三件事:

1. 球場有絕殺,但人生無

今屆好似特別多絕殺出現,德國、巴西、比利時等球隊都試過絕殺贏波。唔知大家知唔知咩係絕殺,“絕殺”即係當埸波去到90幾分鐘,補時都差唔多完,球證吹個完埸雞都放左係口的時候,突然其中一隊波入波,輸左果隊真係想追都無得追。

今屆B仔最深刻的絕殺係日本對比利時埸八強比賽。日本其實成場都踢得好好,係被睇淡的情況下,憑住意志同毅力,竟然先領先兩球,不過始終身型較輸蝕,俾比利時追返平兩球,最後更加係90幾分鐘最後一次反擊俾比利時絕殺出局。雖然出局,但日本隊的毅力絕對值得一讚。

其實B仔覺得生命都係一樣,會有好多挫折同失敗,甚至覺得係被絕殺。無錯,球埸的絕殺真係想追都無得追,因為場波完左就真係完左,但人生的球埸唔係,就算覺得被絕殺,咩機會都無晒,人生呢埸球賽仲未完,仲有好多好多時間可以追,要知道,每一次的絕殺,雖然痛苦,但其實捱過之後,一定會令自己更強壯,去面對之後的難題!

其實美斯曾經細個因為身體缺憾要放棄足球,但努力不懈捱過後,而家唔係變成萬人景仰的球王嗎?

2. 過去成功不代表將來,戰術會過時,要緊貼世代轉變,搵一套適合自己的戰術

足球比賽的主要規則咁多年都無乜點大變,不過戰術同陣式就會隨住時間不斷演變。70年代荷蘭全能足球,80年代的清道夫陣式,到十年前開始西班牙tiki-taka控傳戰術,再到近年大行其道的高位逼搶和穩手突擊戰術。

今屆世界杯有兩隊強隊的戰術可圈可點,分別是德國和西班牙。德國貴為去屆世界杯冠軍,球員也屬當打之齡,人才輩出.在熱身賽已看出德國隊有點力不從心,戰術沒太大變化,表現不太好。球員們當時還以為到世界杯就會重回正軌,結果尷尬地幾十年來第一次在分組賽出局;西班牙2008年起連奪三項大賽冠軍,多年來也對控傳戰術的成功引以為傲,卻沒有新的突破,今屆的比賽更是空有傳送,卻不攻門,結果亦早早於十六強出局。

當然,批評是十分容易,但有戰術突破卻不是容易的事。B仔覺得,除左戰術的突破,選擇適合自己球隊的戰術亦十分重要.英格蘭多年也被捧為大熱門,卻往往失望而回,今年除哈利卡尼外沒有巨星,在被看淡下一班幼獅卻能做出進入四強的佳績,正正是領隊修夫基清楚自己球員的長處不是踢華麗的足球,於是大踢簡單直接的足球,結果取得佳績。睇見足球戰術的變化。

B仔諗起,其實幾十年前考 數學公開試 其實無乜人會用 計算機程式(program),去到今日考 DSE數學,無論目標是穩陣攞4或是奪5** 計算機程式(program) 都成為不可或缺的技考。過去的成功不代表將來也一定成功,世界不斷變,同學們一定要不斷學習,keep住令自己進步。更加重要係認識自己的長處。無論是讀書或者人生,要搵一套適合自己的戰術,突破自己,將自己應有的能力發揮出來。

3. 足球員光輝好快過,要珍惜有能力的時間

運動員的生涯好短暫,黃金期一般只有十幾年或者更短,計計條數,能夠參加四屆世界杯已經好幸運,大多球員只能參加一至兩屆,球員在世界杯賽場上表現自己的機會實在十分有限。近十年足球壇在“既生瑜,何生亮”的情況下,球王都是不出美斯和C朗之爭,佢地兩個不斷破紀錄的瘋狂表現實在令球迷如痴如醉。來到今屆,大家都期望,尤其是美斯,可以一捧大力神杯一完球王夢。可惜事與願違,兩位球王的球隊早早於十六強出局,他們在比賽中亦有點力不從心,未能以一己之力扭轉戰局。

下屆世界杯美斯和C朗分別已三十四和三十七歲了,能否繼續參賽仍是未知之數,相反。像麥巴比般十九歲的超級新星出現,看來另一個時代已經來臨。

讀書同學習其實都一樣,雖然想讀書幾時都有得讀,想學習幾多歲都可以學。唔會好似運動員咁得十幾年時間。不過,隨著年紀的增長,學習的速率會有所下降,效果及吸收能力始終是學生時期最好。所以,應該要趁還年輕時努力讀書,多學習,記住,不要在最能吃苦的時間選擇安逸,否則將來在應該過安逸生活的時候便要吃苦了。

B仔相信,肯堅持為目標進發的人,只要不怕失敗,讓挫折令自己變得更強,最後一定會成功,好似今屆冠軍法國,其實兩年前歐洲國家杯大熱倒灶,只得亞軍,兩年後因為能認清自己的優點和缺點,用一套適合自己的戰術,終於成功奪標!

上星期 DSE文憑試 放榜, B仔想順道在此恭喜係 DSE數學 奪取佳績的學生,今次放榜好開心教室大部分學生都可以達到自己定的目標,尤其是一些 數學補底 的同學,大大突破了自己的能力,B仔都好鄧咁多位同學開心!

無論 DSE 放左榜定係黎緊會考 DSE數學 的同學,生命係充滿困難同挑戰,只要你地向住自己目標努力,你地人生的賽場一定充滿精彩!

歡迎同學或家長查詢,如有需要可以預約老師免費面談了解及安排進度。